க.கோபி கிருஷ்ணா.

இருக்கிற கோவிலை எல்லாம் படிக்கிற பள்ளிகள் செய்வோம்...



படத்தை முழுமையாகப் பார்க்க படத்தில் கிளிக்குங்கள்...

இப்படி எந்த சாதனைகளையும் பற்றி கவலைப் படாமல் என்னைப் போல எந்த நேரமும் சாப்பிட்டுக் கொண்டிருக்கும் நண்பர்களே...
நாமெல்லாம் உயிரோடிருந்து என்ன பயன்?

அம்பலத்திற்கு வருகிறது காரணம்...
அத்வானியே காங்கிரசுக்கு வாக்களிக்கமாறு அவர்களது சின்னத்தை கையில் காட்டினால் எப்படி கட்சி உருப்படும்?

பிரெட் ட்ரூமான் பந்து வீசிக் கொண்டிருந்தார். பந்து துடுப்பாட்ட வீரரின் துடுப்பின் ஓரத்தில் பட்டு முதலாவது சிலிப் இற்கு சென்றது. ஆனால் முதலாவது சிலிப் இல் நின்ற ரமன் சுப்பா றோ இனால் அதைப் பிடிக்க முடியவில்லை. பந்து அவரின் இரண்டு கால்களுக்குமிடையில் சென்றது. பிரெட் எதுவும் கூறவில்லை. பந்துப் பரிமாற்றம் நிறைவடைந்த பின்னர் றோ பந்துவீச்சாளரிடம் சென்று மன்னிப்பு கேட்கும் விதமாக கதைத்தார். 'நான் இரண்டு கால்களை சேர்த்து ஒட்ட வைத்திருந்திருக்க வேண்டும்' என்றார். பிரெட் சொன்னார் 'மகனே அது நீ அல்ல. உனது அம்மா தான் அதைச் செய்திருக்க வேண்டும்'.

தென்னாபிரிக்காவில் நடைபெற்ற ரெஸ்ற் போட்டியொன்றில் மேர்வ் ஹியூஸ் (அவுஸ்ரேலியா) தென்னாபிரிக்காவின் ஹான்சி குரேஞ்சே இற்கு பந்து வீசிக் கொண்டிருந்தார். தட்டையான அந்த ஆடுகளம் பந்துவீச்சாளருக்கு எந்தவிதத்திலும் நன்மை அளிக்கவில்லை. ஹியூஸ் வீசிய பந்துகளை அரங்கம் முழுவதும் பறக்கச் செய்தார் குரோஞ்சே. ஹியூஸ் வீசிய ஒவ்வொரு பந்துகளும் எல்லைக் கோட்டிற்கு சென்றன. எரிச்சலடைந்த ஹியூஸ் குரேஞ்சேயிடம் சென்று 'அஜீரண வாயுவை' (fart) வெளியேற்றி விட்டு 'உன்னால் முடியுமென்றால் இதை அடித்துப் பார்' என்றார். முழு மைதானத்திலும் மயான அமைதி நிலவியது.

ஹர்பஜன் சிங் துடுப்பெடுத்தாட ஆடுகளத்திற்கு வந்தார். இலக்குக் காப்புப் பணியில் நின்ற சங்கக்கார ஹர்பஜனிடம் 'துடுப்பெடுத்தாட வரும் போது அரைக் கை கொண்ட மேலாடையும், பந்து வீசும் போது முக்கால் கை கொண்ட மேலாடையும் அணிவதற்கு காரணம் என்ன?' என்று கேட்டார். விளைவு- அடுத்த சில நிமிடங்களில் ஹர்பஜன் ஆட்டமிழந்து வெளியேறினார்.
(ஹர்பஜன் சிங் பந்தை எறிவதாக குற்றம் சாட்டப்பட்டிருந்த காலமது. பந்தை வினைத்திறனாக, மற்றவர்களுக்கு தெரியாமல் எறிவதற்காகவே முக்கால் கை கொண்ட ஆடைகளை அணிகிறார் என்ற குற்றச்சாட்டு இருந்த காலமது.)

ஆஷஷ் தொடரொன்றில் ரொட் மார்ஷ் மற்றும் இயன் பொத்தம் ஆகியோருக்கிடையில் நடைபெற்றதே இது.
இயன் பொத்தம் துடுப்பெடுத்தாட வந்தார். துடுப்பெடுத்தாட வந்த பொத்தம் ஐ 'அன்பு' வார்த்தைகளில் வரவேற்றார் மார்ஷ் 'உன்னுடைய மனைவியும் என்னுடைய குழந்தைகளும் நலமா?'. விடுவாரா பொத்தம்? பதிலளித்தார் அழகாக. 'மனைவி நலம். ஆனால் குழந்தைகள் மூளை வளர்ச்சிக் குறைவால் பாதிக்கப்பட்டிருக்கிறார்கள்' என்றார்.

அர்யுன ரணதுங்க துடுப்பெடுத்தாடிக் கொண்டிருந்தார். ஷேண் வோண் பந்து வீசிக் கொண்டிருந்தார். ரணதுங்கவை ஆட்டமிழக்க வைக்க முடியாததால் புதிய வகை உத்தியொன்றை கையாண்டார் வோண். பந்தை நன்றாக உயரவிட்டு (பிளைற்றிங்) துடுப்பிலிருந்து சற்று முன்னே விழச் செய்தார். எனவே ரணதுங்க காலை முன்னோக்கி இழுக்கவோ அல்லது இரண்டு அடிகள் முன்னே வைத்து அடிக்க முயல்வார், அதன் மூலம் ஸ்ரம்ப் செய்யலாம் என நம்பினார். ஆனால் ரணதுங்க அசைவதாக இல்லை.
எரிச்சலடைந்த இலக்கக் காப்பாளர் இயன் ஹீலி கத்தினார் 'இதற்குப் பதில் 'மாஷ் சொக்ளெற்' ஒன்றை அங்கே போடு. நீ விரும்புவதை அது செய்யும்' என்றார்.

பிரெட் ட்ரூமானிற்கும் ஓர் அவுஸ்ரேலிய துடுப்பாட்ட வீரருக்கும் இடையில் 1960களில் நடைபெற்றது இது.
அவுஸ்ரேலிய இங்கிலாந்து ரெஸ்ற் போட்டி நடைபெற்றுக் கொண்டிருந்தது. வீரர்கள் அமரும் பகுதியிலிருந்து மைதானத்திற்குள் வரும் கதவிற்கு அருகில் நின்று பந்து தடுப்புப் பணியில் நின்று கொண்டிருந்தார் ட்ரூமான். ஒரு வீரர் ஆட்டமிழக்க மற்ற வீரர் மைதானத்திற்குள் வந்த பின் அந்தக் கதவை மூட முயன்றார். ட்ரூமான் சொன்னார், 'கஷ்ரப் படாதே மகனே. பூட்டாமல் செல். நீ அங்கே அதிகமாக நிற்கப் போவதில்லை.'.

அவுஸ்ரேலிய தென்னாபிரிக்க அணிகளுக்கிடையிலான போட்டி நடைபெற்றுக் கொண்டிருந்தது.
நீல் மக்கென்ஸி துடுப்பெடுத்தாடிக் கொண்டிருந்தார். நீல் மக்கென்ஸி மூட நம்பிக்கைகளுக்கு பெயர் போனவர். துடுப்பெடுத்தாடும் போடு 'கிறீஸ்' கோட்டை மிதிக்க மாட்டார், எதிரே உள்ள மற்ற துடுப்பாட்ட வீரரை பார்க்க மாட்டார் போன்றன.
பிரெட் லீ பந்து வீசிக் கொண்டிருந்த போது வந்து சொன்னார், 'ஏய் மக்கா! நீ கிறீஸ் கோட்டை மிதித்து விட்டாய். அது உனக்கு துரதிஷ்டத்தை அளிக்கப் போகிறது.'. விளைவு- 99 ஓட்டங்களுடன் ஆட்டமிழந்தார் மக்கென்ஸி.

1999ம் ஆண்டு உலகக் கிண்ணப் போட்டியின் அரையிறுதிப் போட்டியில் ஸ்ரிவ் வோ இன் பிடியொன்றைத் தவறவிட்டார் ஹேர்ச்சில் கிப்ஸ். அந்தப் பந்துப் பரிமாற்றம் நிறைவு பெற்ற பின்னர் ஆடுகளத்தைக் கடந்து சென்ற கிப்ஸ் இடம் கேட்டார் வோ, 'ஹேய் ஹேர்ச்சில்! உலகக்கிண்ணத்தை தவறவிட்டதை எவ்வாறு உணர்கிறாய்?'

அர்யுன ரணதுங்கவிடம் கேட்டார் இயன் ஹீலி, 'உனது கால்கள் நடுங்குகின்றன போலிருக்கிறதே?'. ரணதுங்க சொன்னார் 'ஆம். உனது மனைவியுடன் உறங்கியதால் கால்கள் நடுங்குகின்றன.'

ஜேமி சிடன்ஸ், அவுஸ்ரேலியாவின் தலைசிறந்த வீரர்களில் ஒருவராக கருதப்படுபவர். ஆனால் ரெஸ்ற் போட்டிகளில் விளையாடியதே இல்லை.
ஒரு முறை சிடன்ஸ் சிலிப்ஸ் இல் களத்தடுப்பில் ஈடுபட்டிருந்த போது ஒரு துடுப்பாட்ட வீரர் மிகமெதுவாக துடுப்பெடுத்தாடிக் கொண்டிருந்தார். உடனே சிடன்ஸ் 'ஹேய்! இதொன்றும் ரெஸ்ற் போட்டி இல்லை' என்றார்.
துடுப்பாட்ட வீரர் திரும்பி 'நிச்சயமாக! ஏனென்றால் நீ விளையாடுகிறாயே...' என்றார்.

சுனில் கவாஸ்கர் தனது வழமையான ஆரம்பத் துடுப்பாட்ட ஸ்தானத்தை அந்த ரெஸ்ற் போட்டிக்காக விட்டுக் கொடுத்து 4ம் இடத்தில் வர முடிவு செய்திருந்தார். ஆனால் மேற்கிந்திய ஆரம்பப் பந்து வீச்சாளரான மல்கம் மாஷல் தனது பந்து வீச்சால் அனுஸ்மான் கேய்க்வேட் மற்றும் துலிப் வெங்சாக்கர் ஆகியோரை பூச்சியத்துக்கே அரங்கு திருப்பினார். விளைவு சுனில் கவாஸ்கர் அரங்கு புகும் போது பூச்சியம் ஓட்டங்களுக்கு 2 விக்கெட்டுக்கள் வீழ்த்தப்பட்டிருந்தன. கவாஸ்கரை மேலும் பதற்றப்படுத்த விவியன் றிச்சட்ஸ் சொன்னார் 'மனிதா! நீ ஆரம்பத்துடுப்பாட்ட வீரராக வந்தாலென்ன 4ம் இலக்கத்தில் வந்தாலென்ன வேறுபாடில்லை. ஓட்ட எண்ணிக்கை பூச்சியம் தான்'

வரிசை விதி-
நீங்கள் நிற்கும் வரிசையை மாற்றினால் நீங்கள் விட்டுச் சென்ற வரிசை நீங்கள் இப்போது நிற்கும் வரிசையை விட வேகமாக நகரும்.

தொலைபேசி விதி-
நீங்கள் தற்செயலாக பிழையான இலக்கத்தைச் சுழற்றினால் ஒரு போதும் அந்த இலக்கம் வேறு அழைப்பில் இருக்காது. உடனடியாகவே உங்களுக்கு இணைப்புக் கிடைத்து விடும்.

இயந்திர பழுதுபார்ப்பு விதி-
உங்கள் கைகள் முழுவதும் கிறீஸ் பட்ட பின்னர் உங்கள் முதுகு அரிக்கத் தொடங்கும்.

தொழிற்சாலை விதி-
நீங்கள் தவறவிட்ட எந்தவொரு திருத்தும் கருவியும் எப்போதுமே எடுக்க முடியாத ஒரு இடத்தில் உருண்டு சென்று தஞ்சமடைந்திருக்கும்.

பொய்க்காரண விதி-
நீங்கள் வேலைக்கு பிந்தி வந்ததற்கு காரணம் உங்கள் வாகன ரயர் ஒட்டையானது என நீங்கள் உங்கள் முதலாளியிடம் சொல்வீர்களாயின் அடுத்த நாள் உண்மையாகவே உங்கள் ரயர் ஓட்டையாகும்.

குளிப்பு விதி-
நீங்கள் குளிக்கத் தொடங்கி உங்கள் உடல் முழுவதும் நீரால் நனைந்த பின்னர் உங்கள் தொலைபேசி சிணுங்கும்.

சந்திப்பு விதி-
உங்களுக்கு தெரிந்த ஒருவரை சந்திப்பதற்கான நிகழ்தகவானது அந்த நபர் உங்களை யாரொடு சேர்த்து காணக் கூடாது என நினைக்கிறீர்களோ அவரோடு இருக்கும் போது அதிகம்.

வெளிப்படுத்துகை விதி-
ஒரு இயந்திரம் தொழிற்படவில்லை என ஒருவருக்கு நிரூபிக்க முற்படுகையில் அந்த இயந்திரம் தொழிற்பட ஆரம்பிக்கும்.

திரையரங்க விதி-
நீங்கள் திரையரங்கில் வாசல் ஓரத்தில் அமர்ந்திருக்கையில் உங்கள் வரிசையில் கடைசியாக ஓரத்தில் இருப்பவர்கள் அனைவரும் படம் ஆரம்பித்து நீங்கள் இரசிக்க ஆரம்பித்த பின்னரே வருவார்கள்.

கோப்பி விதி-
உங்கள் அலுவலகத்தில் சூடான கோப்பி ஒன்றை பருக அமரும் தருணத்தில் தான் உங்கள் முதலாளி உங்களை அழைத்து பெரிய வேலையொன்றை தருவார். கோப்பி சூடாறி குளிரும் வரையாவது அந்த வேலை கட்டாயம் நீடிக்கும்.

அவுஸ்ரேலியாவின் கிளெய்ன் மக்ராத் பந்து வீசிக் கொண்டிருந்த போது மேற்கிந்தியத் தீவுகளின் ராம் நரேஷ் சர்வானிடம் 'லாராவின் அது (மக்ராத் கேட்ட வார்த்தையை தணிக்கை செய்திருக்கிறேன்) எவ்வாறு சுவைக்கும்?' என்றாராம்.
உடனே சர்வான் 'எனக்குத் தெரியாது. அதைப் போய் உன் மனைவியிடம் கேள்' என்றாராம்.
மக்ராத் கோபமுற்று 'நீ என் மனைவியை இனி அவமானப் படுத்தினால் உனது தொண்டையை வெளியே எடுத்து விடுவேன்' என்றார்.

டெரய்ல் குலைமான் என்பவர் துடுப்பெடுத்தாட ஆடுகளத்திற்கு வந்தார். உடனே ஷேன் வோண் அருகில் போய் 'உன்னை அவமானப்படுத்த 2 வருடங்களாக காத்திருந்தேன்' என்றார்.
உடனே குலைமான் 'அந்த 2 வருடங்களையும் சாப்பிடுவதிலேயே செலவழித்திருக்கிறாய் போலிருக்கிறதே' என்றார்.

பரோர் என்பவர் துடுப்பெடுத்தாட ஆடுகளம் வந்தார். முதலாவது பந்தை ஆட முயன்றார். ஆனால் பந்து அவர் துடுப்பில் படவில்லை.
இரண்டாவது சிலிப் இல் நின்ற மார்க் வோ 'ஓ! எனக்கு ஞாபகம் இருக்கிறது. சில ஆண்டுகளாக அவுஸ்ரேலியாவில் நீ எதற்கும் உபயோகமற்றவனாக இருந்தாய். இப்போது அதைவிட மோசம்' என்றார்.
உடனே பரோர் திரும்பி 'ஆம். அது நான் தான். அத்தோடு நான் அங்கே இருந்தபோது முதிய, அழுக்கான, வடிவில்லாத நடத்தை கெட்ட பெண்ணோடு திரிந்தாய். இப்போது அவளையே நீ திருமணம் புரிந்து விட்டாயாமே' என்றார் அமைதியாக.

கிளெய்ன் மக்ராத் சிம்பாப்வேயின் கடைசி துடுப்பாட்ட வீரருக்கு பந்து வீசிக் கொண்டிருந்தார். ஆனால் பிரென்ட்ஸால் பந்துக்கு கிட்டவே துடுப்பை கொண்டு போக முடியவில்லை.
எரிச்சலடைந்த மக்ராத் 'ஏன் நீ இவ்வளவு பருத்த உடலுடையவனாக இருக்கிறாய்' என்றார்.
உடனே பிரென்ஸ் 'ஏனென்றால் ஒவ்வொரு முறையும் உன் மனைவியோடு நான் காதல் புரியும் பொழுதும் உன் மனைவி எனக்கு பிஸ்கற்றுக்களை கொடுப்பது வழக்கம். அதனால் தான்' என்றார்.

அவுஸ்ரேலியாவின் மெர்வ் ஹியூஸ் ஐ அடிலெய்ட் இல் நடந்த ஒரு போட்டியின் போது பாகிஸ்தானின் ஜாவிட் மியான்டாட் இருவரும் மோதிக் கொண்ட போது 'பருத்த பேருந்து நடத்துனர்' என அழைத்தாராம்.
சிறிது நேரத்தில் ஜாவிட் மியான்டாட் இன் விக்கெற்றை ஹியூஸ் கைப்பற்றினார். ஜாவிட் மியான்டாட் வெளியேறும் போது ஹியூஸ் சத்தமிட்டார் 'Ticket please'.

ஸ்ரிவ் வோ தனது இறுதிப் போட்டியில் விளையாட ஆடுகளம் வந்தார்.
இலக்குக் காப்பாளரான இந்தியாவின் பார்த்திவ் பட்டேல் 'ஆகவே இது உங்களின் இறுதிப் போட்டி. எங்கே உங்கள் பிரபலமான வார்த்தைச் சண்டைகளை வெளியிடுங்கள் பார்க்கலாம்' என்றார்.
ஸ்ரிவ் வோ அமைதியாக 'எனக்கு மரியாதை செய். நான் எனது முதல் போட்டியில் விளையாடும் போது நீ நப்கின்னோடு தான் இருந்திருப்பாய்' என்றாராம்.

மேற்கிந்தியத் தீவுகளின் கிரெக் தோமஸ் தனது சக வீரரான விவியன் றிச்சட்ஸ் ற்கு உள்ளூர் போட்டியொன்றில் பந்து வீசிக் கொண்டிருந்தார்.
ஓர் அருமையான விலகிச் செல்லும் பந்தொன்று விவியன் றிச்சட்ஸை ஏமாற்றிச் சென்றது.
உடனே தோமஸ் அருகே சென்று 'அது (பந்து) சிவப்பு நிறமானது, கோளமானது, 5.5 அவுன்ஸ் அளவில் பாராமானது' என நக்கல் தொனியில் சொன்னார்.
அதற்கடுத்த பந்தை அரங்கத்திற்கு வெளியே அடித்தார் றிச்சட்ஸ்.
அமைதியாக சொன்னார் ' அது (பந்து) எப்படி இருக்கும் என உனக்குத் தான் தெரியுமே. போ! போய்த் தேடு' என்றார்.